كتبت: مريم الحفناوي
كشف عماد النحاس، المدرب العام للنادي الأهلي، عن آخر تطورات حالة الثنائي إمام عاشور ومحمد علي بن رمضان، مؤكدًا أن الأخبار مبشرة للجماهير الحمراء.
قال النحاس: “إمام عاشور شارك النهاردة في جزء من تدريبات الكرة، وعنده شغف كبير إنه يكون موجود بشكل سريع. أهم حاجة إننا نطمن من الناحية الطبية، ودي الحمد لله اتطمنّا عليها. دلوقتي بيشتغل بدنيًا وتأهيليًا، والنهاردة كانت بداية مبشرة علشان يكون موجود معانا الفترة الجاية”.
وأضاف المدرب العام للأهلي: “محمد علي بن رمضان سليم تمامًا، وشارك في مران اليوم بشكل طبيعي، وده شيء إيجابي جدًا بالنسبة للجهاز الفني”.
وعن سبب إقامة التدريبات في الفترة الصباحية، أوضح النحاس:
“دي وجهة نظر مستر ريبيرو، المدير الفني. اتكلمنا معاه من أول يوم على معاد التدريب، وقبل الماتش اللي فات طلبنا تغيير الميعاد، والراجل استجاب واتمرنا الساعة خمسة ونص. في النهاية دي أفكار مدربين أوروبيين، لكن واحدة واحدة هنوصل له الثقافة العامة عندنا”.
