الكاتبة رحمه صديق عباس
أول ما دخل بتول قالت ليهو:
حمودي صحباتي جايني بعد الفطور
حمودي: بسم الله الرحمن الرحيم أول قولي حمدالله علي السلامه ، جيت ليك الحاجات دايراها وما تاكليها….. اشان لو اكلتيها أنا تاني ما بقعد معاك في البيت دا.
بتول: لا لا ما باكولا … أمي بتلمتا لي جوه…
حمودي: طيب مالك
بتول: ما جاي تسلم عليهن
حمودي: شوفي ما عندي شغلة بيهم صحباتك وجبت ليك الحاجات الدايراها أنا ما جاي.
بتول: بس لازم تجي يا حمودي انا طولي بحكي ليهن عنك وقلت ليهم أنت بتكون قاعد
حمودي: خلي اللولوة وقولي العندك.
بتول: بصراحه يا حمودي دايرة أختار ليك عروس من صحباتي.
حمودي: كفاية إنتي دايرة اجيب لي دبل قبينة تانى.
بتول: والله رهف دي كان شفتها مابتقول داير واحده غيرا… وبعدين ما ضروري أشان انا سمينة صحباتي كلهم سمان يعني.
حمودي: لا كدا نحن عندنا في الجامعة ولد سمين ماف زول بقعد جمبو ياخ طول الوقت تلقي خشمو ملان ما لاقي وقت حتي يتكلم…. يعني انتي فارقة عنو بشوية بس…
بتول: بدت تبكي أنا زعلت تاني زاتو ما باكل
حمودي: والله أحسن حاجه بتعمليها… وياريت كمان تضيفي عليها تعملي التمرين بالالة البجيبا ليك…
