الكاتبة رحمه صديق عباس
ما سألتك عملتو شنو في موضوع أخوك رهف وافقت ولا لسه…
بتول: أمي مشت وإتكلمت مع أمها وامس ودو ليها خاتم الخطوبة والهدية….
وأنا زاتي جاني عريس صاحب اخوي.
أمل: واي .. ألف ألف ألف ألف مليون مبروك ربنا يتم علي خير يارب.. وانا اقول التغيرات دي شنو… ومالك ما وريتيني.
بتول: عقبالك يارب.. إتصلت اويك وقلتي لي بترجعي بكرة وما رجعتي لي حتي رسلت ليك رساله في الواتساب.
أمل: اللهم آمين… أي لي تلاتة أيام ما فتحت الواتساب أشان كدا ما شوفت الرسالة حقتك أنا القلطانا كان كدا.
بكرة لمن نمشي الجامعه نسأل من السمستر حق غفران …
بتول: أوريك السمستر الأخير باقي ليهو ثلاثة أسابيع وري أخوك ساي يسجل ليها .
أثناء ما بتكلمو إتصل أخوها وقال ليها إنها ما بترد وقالت ليهو رسل ليها رسالة وقول ليها السمستر الأخير باقي ليهو ثلاثة أسابيع أنا بجي بمش معاها التسجيل…
سمع كلامها ورسل ليها وجات أُختو ساقتا ومشو سجلو غفران قالت ماشة المكتبة وهم طلعو ماشين البيت.
أثناء ما هم ماشين في ولد كدا بحمر لأمل أمل جرت يد بتول بسرعة سرعة مشو.
بتول: يا أمل براحة مالك متسرعة…
امل: الولد دا كُل ما نجي بعاين لينا وهسي قلبا حِمّير عديل
بتول: الولد دا قالو كان داير واحده وهي قالت ليو خطوبتا بعد إسبوع ، ومن الوقت داك ارتكز في محلو دا.
أمل: والله شكلو ناوي علي حاجة… نظرتو دي ما ساي داير ينتقم يا من البت أو من الولد ما تنسي أنا قاريا علم نفس وهي ما عارفة إنو أخوها الضحية….
خلاص تمو امتحان واجزو ، والنتيجة طلعت غفران جابت إمتياز مع مرتبة الشرف وناس الجامعه كرموها وماجستير هدية…
إتصل ليها مرتضي لكن المرة دي ردت ليهو وتونسو قال ليها داير اهلي يجوو للعقد
غفران: لا لا ما هسي بعد أخلص الماجستير العرس
مرتضي: خلاص تماام زي ما تريدي.
مرتضي كان فرحان شديد طلع ماشي الشغل الولد داك شافو ادسي…
الولد دا مخطط يقتلو هو كان داير غفران ولمن مرتضي ما جا مشا يخطبا رفضت ومن الزمن داك عامل ليو شرك خلاص شافو داير يبدا ينفذ كيف يصطادو، ومرتضي غير صحابو داك بقا يمش مع حمودي اخو بتول….
يتبع…..
