الكاتبه سمر إسماعيل
العجز والإعاقة مش في الجسد،
العجز استسلامك للبؤس،
والحزن والضيق والكمد،
غل سايبه يقيد في روحك،
بليد زي حبل من مسد.
الإعاقة تراجعك وانحصارك،
وأنت عايش عن الحياة،
عن الخلود، عن الأبد،
عن قيد الأمل،
عن كونك مدد.
في ناس زي الحصان،
بقلب عاجز وتفكير مُعيق،
وناس مكسورة جدًا،
تمهدلك في ألف سكة،
وتفتحلك مليون طريق.
ممكن تبقى على قد ضعفك،
القشة اللي بيتعلق بيها الغريق،
ممكن تبقى برغم جفاف مشاعرك نجدة،
بتطفي وتنقذ حريق.
ما تسيبش اليأس يعلى،
في روحك حواجز،
طول ما أنت قلبك سليم،
بكرة أكيد أحلى، مفيش جايز.
شوفها بيه معجزة،
لإيمانها إبليس سجد.
خفة الدم، حلاوة الروح،
وجدعنة بنت البلد
