الكاتبه تقى خالد
ليش تكلي أريدك وانت غيري تريد،
وتسهرني ليالي الشوك وانت بعيد؟
ليش تفتح باب قلبي وتروح بلا وداع،
وتخلي روحي تايهة بين الشك والضياع؟
كل ما أصدق حبك، ألقى غير الحقيقة،
وأبني من الوهم بيت، وتهدمه بدقيقة.
مو كافي ما تحملت من جرح السنين،
حتى تجي وتزيد همي فوق هم الحنين؟
إذا تحب غيري، كلي، لا تخليني أنتظر،
تره الانتظار يوجع أكثر من الفراك المر.
أنا مو لعبة بإيدك، يوم تقرب ويوم تروح،
أنا إنسان عنده قلب يتعب ويصيح بجروح.
كان يكفيني منك صدك كلمة من البداية،
حتى أعرف دربي، وما أعيش هالحكاية.
بس الظاهر نصيبي أحب ناس ما تريد،
وأبقى وحدي أسأل:
ليش تكلي أريدك وانت غيري تريد؟.
