الكاتبة: رحمة صديق عباس
بتول: عندي شرط أول.
حمودي: شرط شنو؟
بتول: إنت مش داير أعمل تمارين وأنقّص وزني عشان أنقّص ليك المصاريف والطلبات حقتي؟
حمودي: أي.
بتول: خلاص، تعال شوف رهف، أمي زاتا عجبتها، وقالت أوريك. لو ما مصدقني، أمش أسأل أمي.
حمودي: لا خلاص، طالما الشغلة فيها أمي، خلاص تمام، بجي.
حمودي مشى الشغل، وبتول بدت الرياضة. وأثناء ما بتتريض، دقت ليها رهف وقالت ما بتقدر تجي، بتجي يوم تاني، وقفلت الخط…
يلا، جو صحباتها السمان متأخرين…
وصادف وقت حمودي بجي راجع من الشغل، سلّم عليهم، وخشّى عوضو، وقفل الباب.
بتول وصحباتها قاعدين يتونسوا، بس لاحظوا إنو بتول خفّضت كمية الأكل…
كانت الحاجات البختوها دي بتاكلها براها…
طبعًا هم بتضيفوا، وهي بتقرِض الحاجات، حتى استغربوا منها، ما أكلتن زي كل مرة…
استأذنوا وقالوا ماشين، قدّمتن للباب، وجات قعدت…
وأمها جات، قالت ليها: ما شاء الله، اليوم مالك قاعدة وما بتاكلي؟
بتول: وعدت أخوي حمودي إنو أنقّص وزني…
يتبع…
