كتب:مؤمن علي
أدلى محمد عبد الجليل، نجم الأهلي والكرة المصرية السابق، بتصريحات إذاعية هامة كشف فيها عن رأيه في مستقبل أحمد فتوح، لاعب الزمالك، وفرصته مع القلعة الحمراء، كما تحدث عن جراديشار مهاجم الأهلي الجديد، وقدرته على قيادة خط الهجوم.
فتوح لا يصلح للأهلي
قال عبد الجليل خلال مداخلة مع الإعلامي كريم رمزي: “رحيل فتوح عن الزمالك أصبح ضروري. بعد أزمته الأخيرة، صعب جدًا يكمل في النادي”.
وتابع: “أنا حزين على فتوح، لأنه موهبة كبيرة، لكن تصرفاته الأخيرة خلت استمراره في الزمالك شبه مستحيل”.
وأضاف: “الزمالك قلقان من انتقاله للأهلي، لكن بصراحة الأهلي عمره ما هيفكر فيه.
الأهلي مش ناقص، وفتوح مش من نوعية اللاعبين اللي تمشي مع نظام النادي”.
وأوضح: “الأهلي مش بيضم أي حد. محتاج لاعيبة منضبطة وملتزمة. فتوح مش زي زيزو أو إمام عاشور، ومش مناسب لقميص الأهلي”.
رسالة واضحة بشأن جراديشار
وعن المهاجم السلوفيني جراديشار، قال عبد الجليل: “بصراحة، جراديشار مش هو اللي يشيل هجوم الأهلي.
وجوده حاليًا مش كفاية، ومش شايفه بديل حقيقي لوسام أبو علي أو محمد شريف”.
وتابع: “الأهلي محتاج مهاجم أقوى، وكنت أتمنى نشوف حد زي مصطفى محمد في الخط الأمامي”.
واختتم: “وسام أبو علي الأهلي هو اللي صنعه، والناس اتعاطفت معاه علشان ظروفه.
لكن جراديشار مش هو اللي يقدر يقود الهجوم في المرحلة الجاية”.
