الكاتبة رحمه صديق عباس
حمودي: إنتي الطريقه اللطيفة معاك ما بتنفع
بتول: هههههههه … أنا بنفع معاي كباية نعناع ، هههههاااي
حمودي: هههههاااي والله إنتي،
دي كلها كانت تلميحات أشان تعملي حمية غذائيّة.
بتول: أنا بديت أعمل تمارين بالآلة الجبتا لي وأمل قالت عندها كتاب قلت لي رهف تجيبو لمن تكون جاية….
ماسألت مالا ما جات
حمودي: ما مستعجل أنا تجي علي راحتا
بتول: أكلمك لمن تجي وأنت ماف.
حمودي: لا بس قولي ليها اخترناك لاخوي
بتول: خلاص البريحك يا اخوي …
أنا ماشا عوضتي تصبح علي خير
حمودي: وانتي من أهل الخير
بتول خشت جوه الأوضة رفعت تلفونا وإتذكرت ما سألت أمل عملو شنو في خطوبة أخوها؟
إتصلت ليها أمل فتحت الخط….
بتول: ساعة حتن ترفعي
أمل: لا ما ساعة سنة وضحكو هم الاتنين ….
بتول: كيفك أخبارك شنو.. وناس البيت كلهم كيف.
أمل: والله الحمدلله كويسين؛ لكن اخوي شكلو ما كويس…
بتول: مالو الحصل شنو أمك ما وافقت علي الخطوبه
أمل: ياريت.. تعالي اسمعي ريم عقدو عليها وسماح خطوبتا الجمعة الجاية، وأنتي عارفه منو التالتة المركز عليها بت أستاذ عوض المهندسة والله دي مستحيل يوافقو ليهو، وهي زاتا ما بترضي بيهو… بس ما وراني الرابعة…..
بتول: الرابعة دي يمكن تكون نصيبو، وإنتي الوراك منو …
أمل: اللهمآمين..
ورتني بت جارتنا جات وقالت لينا أنها جات غشيانا من بيت ناس ريم الليلة العقد،
واخوي كان قاعد بياكل قام خشا جوا وسماح رسلت لي في الواتس بتاعي قالت لي قولي لي أخوك أنا مادايراهو خُطوبتي الإسبوع الجاي وهي بتحكيها وبتهز في راسا…..
بتول: وإنتي وريتهو…
أمل: ما لحقت مشا أمس ورا أمي وطلع…..
ما إلاّ الليلة، أمس بيت في الدكان وجا صادف الكربة دي وأنا زاتي ما عارفه أوررهو كيف
بتول: دقي ليها وقولي ليها توريهو براها
أمل: هي بتكون ورتو… لكن برسل ليا في الواتس ما بدق ليها أصلاً أنا ما بريدا…..
بتول: إنتي ما قلتي إنو أمك إختارت ليهو بت خالتك
أمل: أي والله كان شفتيها عاملة زي رهف مسكينة ما عندها قضية بأي حاجه…
بتول: طيب مالو هو ما يرضي بيها ساي…
أمل: هو شكلو برضا بيها ما عندو خيار تاني…
أنا ماشة أشوف أخوي دا كان راق اواسو شوية كدا بالمرة ادخل ليهو فكرة بت خالتي يعقد بس
بتول: والله إنتي ما بتفوتي حاجه
أمل: دي فرصة ما بخليها تفوت ساي
بتول: ههههه لي بكرة خلاص أنا برضو عندي حاجه دايرة أقولا ليك ….
أمل: تماام مع السلامه
بتول: الله يسلمك
