الكاتبة: رحمة صديق عباس بابكر
واحد خطب زميلته بالدراسة.
لمن حددوا العرس، قال لخطيبته إنه ما عندو بيت بأجر…
وكانت خطيبتو عندها بيت، فقالت ليهو: عندي ود خالي عندو بيت داير يأجرو…
فقال ليها: خلاص، تقول ليهو يخلي ليهو يأجرو منو…
اتصلت ليهو وورّتو الكلام كلو، على أساس البيت حقو، وهي تستلم القروش، وبعد يجي من السفر يشيل القروش وينزل طوب وخرسانة عشان يصلحو البيت، وتاني يستلم هو…
خلاص، ود خاله دا قال ليها: وأنا نصيبي شنو من الشغلة دي؟
ضحكت وقالت ليهو: عندك نصيب، ما تخاف…
رضا ود خاله بالكلام القالتو، وقال ليها: طيب، إنتي استلمي منو، أنا لمن أجي بجي كل شهر أستلم، تمام…
ــ تمام يا زول…
اتصلت لخطيبها وورّتو قروش الإيجار.
بعد سنتين، ود خاله جا وجاهم زيارة في البيت، وقعد يتونس معاهم…
وقال لبت خالتو تديهو القروش.
دخلت جابتن، حتّت ليهو حقو في ظرف، وادّتو ليهو. من فتح الكيس، عرف الظرف حقو، كاتبة فيهو: «دا نصيبك»…
تاني يوم طوالي نزل حاجات البُنا، وجا قال ليهم: دايرين يبنوا…
الراجل قال لمرتو: خلاص، إنتي امشي البيت، بعد يتمّوا البُنا تعالي…
بعد تمّوا البُنا، جات راجعة، طبعًا البُنا عجبا شديد…
