الكاتبة إيمان شلاش
شايف هالصبية يا ابني؟ راح تكون أحنّ عليك من أمك، وراح تحبك وتحترمك وتصونك بغيابك، وتداريك بضعفك.
راح تداوي جروحك، وتضمد روحك، وتعطيك من صحتها لتشوفك بخير.
راح تربّي لك ولادك، ياللي بيحملوا كنيتك واسمك، وتسهر عليهم، وتتعب بتدريسهم ومستقبلهم.
راح تكون معهم خطوة بخطوة، بالوقت ياللي أنت راح تكون مشغول ومضغوط برا بيتك.
راح تكون هي الحارس الأول إلك، ولإسمك، ولولادك برا البيت وجواته.
هي هي البنت، وقت تعشق، بتقدّم بلا حساب، وبتعطي من روحها وصحتها وأيامها في سبيل تسعدك وتفرّح قلبك.
بتعطي بلا حساب،
وتحب بلا مقابل،
بتهتم فيك وبتفاصيلك،
وبكل ياللي حواليك.
البنت وقت تحب يا ابني، بتتحوّل لوحش مفترس يحمي حبيبها من كل أذى، ولحضن دافي يحتوي ويطبطب، ويكون حنون مع كل من يخصك.
