كاتبة آلاء العقاد
كفاية دموع،
كفاية الألم وجراح،
كفاية دمار،
كفاية موتٍ في كل صباح…
كفاية سكوت يا عرب،
كفاية حصار على شعبٍ انحرق،
كفاية استغلال للوجع،
كفاية صمتكم… ما ضلّ ورق.
كفاية قعدة عند النار،
تنفخوا وتنفخوا،
حتى انفخنا من الجمر،
والله تعبنا كتير… كتير،
كأنّ التعب صار فينا عمر.
وين الضمير؟
وين الصوت اللي يعلّي الراية؟
وين القلب اللي بعده حيّ
وسط هالعتمة، والدم، والبراية؟
كفاية… كفاية كل شي.
ما بدنا صبرنا يكون ضعف،
ولا دموعنا تزيدنا هزّ،
بدنا صوتنا يعلّي فوق،
ويقول كلمته… ما يرضى بظلم.
كفاية نحكي ونتمنّى،
لازم نوقف، لازم نغنّي،
عن حقّ الحياة، عن حقّ الأرض،
عن حقّ الإنسان، عن حقّ الزمن.
ما فينا نرضى بالقهر دايمًا،
ولا نسكت عن صوت الألم،
نحن صوت الأمل اللي بيصير،
بُكرة جديد… بُكرة نبدأ نعيش.
