المحاورة: بحر علاء
بالقلم والعلم تصل ندى أبو الخير الي شغفها ومبتغاها..
_عرفيني بنبذة عنك.
ندى محمد أبوالخير، خريجة كلية الحقوق جامعة سوهاج بحضر ماجستير، مصححه لغوية في دار نشر، بقدم ورشات لتلعيم كتابة الرواية والقصة، بكتب روايات وقصص ونشرت عدد من الأعمال الورقية والألكترونية سواء المجمعة أو المنفردة.
_كيف أكتشفتي موهبتك وكيف كان تأثيرها على حياتك؟
أنا بكتب من وأنا في أبتدائي و بحب القراءة والخيال والقصص وبدأت وحدة وحدة أتطور لما لفت انتباهي أحد المدرسين للنقطة دي واديني مازلت بتطور.
_ما هي الأساسيات التي تتبيعيها في صناعة عملك؟
في الكتابة بحب قبل ما أبدأ عمل كرواية يكون عندي معلومات كافية عن الموضوع إللي هتكلم فيه وبحب أطور حصيلتي اللغوية بقراءة الكتب، كمان أنا بآمن بالصدق مع القارئ، وبإن كل شخصية لازم يكون ليها ملامح حقيقية، وبأهتم بتفاصيل المشاعر علشان أوصلها بوضوح
في الجانبين، أهم مبدأ عندي أن مهما كان الجانب إللي هكتب فيه ميخالفش مباديء الدينية والأخلاقية.
كيف كانت أول تجربة لكي بمجالك؟
أول تجربة أنا كنت صغيرة جدًا وقتها، ولكن لو هنتكلم عن أول مرة نشرت فيها ورقي فكانت ورغم إنها كانت خاطرة في كتاب مجمع إلا أنها كانت بداية ثقتي بموهبتي وكانت حافز إني أكمل في المجال وأطور من نفسي.
من يدعمك لتسيير في طريق النجاح؟وهل التعثرات تؤثر عليكي بالسلب؟
عيلتي بتدعمني جدًا.
التعثرات طبيعي تأثر على أي حد مش أنا بس، ولكن بحاول أستغلها في الكتابة.
بما تنصحين من هم مثلك في المجال؟
أنا عارفة أن بيجي لحظات بتحس نفسك تايه فيها وأن الأفكار خلصت منك ومش عارف تكتب وبتفكر أنك فقدت موهبتك، ولكن دي مجرد بداية لعمل رائع من إبداعك متيأسش.
هل هذا المجال تخصصي أم أنه مجرد شغف؟
شغف.
كيف تبدائين عملك وكيف تنهين؟
بيبدأ بفكرة، في النص في ضغوطات وبُكى ومراحل صعبة مش هتوصل بالشرح مليون ورقة بتتقطع، ومليون نَص بيتحذف، وكتير من أنا مش هكمل في العمل دا، ولكن أحيانًا بينتهي الحال بيا في معرض الكتاب.
حديثينا عن انجازاتك في هذا المجال؟
مش بحس إني عكلت إنجاز لحد دلوقتي، ولكن مع كل مرة حد بيبتعلي نص من كتابته بعد الورشة إللي حضرها معايا بحس إني فخورة بنفسي.
ماذا تفعلين لتتغلبين علي مرحلة بلوك الكاتب؟
أول حاجة بعملها إني مابحاربش البلوك… بسيبه ياخد وقته.
أحيانًا بيكون علامة إني محتاجة أرتاح، أو إن في حاجة جوايا لسه ما نضجتش علشان تتحوّل لكتابة، وممكن أقرأ كتب علشان يرجعلي الشغف.
اي الادوات تستخدمي؟ وهل تطور التكنولوجيا ودخول الذكاء الاصطناعي بشكل كبير في شتي المجالات كان له أثر عليكي وعلي إنتاجيتك؟
مش بستخدم أدوات غير أفكاري والقلم والكشكول لو كتب في الورق والتلفون لو هكتب في الفون، الذكاء الاصطناعي ورغم أن ممكن نسأله على معلومات ونستفيد منه، إلا أنه كارثة تكنولوجيا بمعنى الكلمة.
كيف تخططين لعملك، وهل تستغلين الترند والمواضيع الهادفة أم انكي تتطلعين لشيء خاص؟
أنا بستخدم موضوعات من الواقع والحاجات إللي شايفه أنها تستاهل تتعرض، ولكني أحيانًا ممكن أفاجأ الناس بحاجة مختلفة عن أفكاري والمواضيع إللي بتكلم فيها.
