كتبت: سمر إسماعيل
الراجل بيبقى كتير مخنوق،
لو ضاق الطوق،
لو حسّ بإخلاصه مجرّد شوق،
أصبح لوجوده مش حابب.
لو حسّ بإنه عيّل متراقب،
لا له، ولا معجب، ولا صاحب،
لكاسات البؤس صحيح شارب،
وعن دوره الفعلي متغيّب.
لو دمعه ف يوم بقى قريب،
وحسّ بإنه صِبح شفّاف للغير،
ملوش بهزار يخايل ويعيب،
ع قد العذرية اللي…
ف قلبه، وعقله، وروحه،
ملاك محبوس × جسد سيب.
والذِكر اللي ف بالنا وإن كان
أعزّ وأغلى وجود بيطمن،
لكنه مع طول الحرمان
عمره ما بيداوي، ولا يطيب.
بس مفيش بينا طريق غيره،
طب أعمل أنا إيه، طيب؟!!
مش فاكر لما كنت بتأمرني،
وعيوني تقولك: طيب.
مكنش ده رغبة مني ف حاجة،
قد ما كنت أنا عايزاك تفضل طيب.
