الكاتبة: رحمة صديق عباس بابكر
واحد خطب زميلته بالدراسة.
لمن حددوا العرس، قال لخطيبته إنه ما عنده بيت بأجر…
وكانت خطيبته عندها بيت، فقالت ليهو: «عندي ود خالي عنده بيت داير يأجرو».
فقال ليها: «خلاص، قولي ليهو يخلي ليهو يأجرو منو».
اتصلت ليهو وورّته الكلام كلو على أساس البيت حقه، وهي تستلم القروش، وبعد يجي من السفر يشيل القروش وينزل طوب وخرسانة عشان يصلحوا البيت، وتاني يستلم هو…
خلاص، ود خاله دا قال ليها: «وأنا نصيبي شنو من الشغلة دي؟».
ضحكت وقالت ليهو: «عندك نصيب، ما تخاف».
رضي ود خاله بالكلام القالتو، وقال ليها: «طيب، إنتِ استلمي منو، أنا لمن أجي بجي كل شهر أستلم، تمام؟».
«تمام يا زول».
اتصلت لخطيبها وورّته قروش الإيجار.
بعد سنتين، ود خاله جا، وجاهم زيارة في البيت وقعد يتونس معاهم… وقال لبت خالتو تديهو القروش. دخلت جابتن، ختت ليهو حقه في ظرف، وادته ليهو. من فتح الكيس، عرف الظرف حقه، كاتبة فيهو: «دا نصيبك».
تاني يوم طوالي نزل حاجات البُنا، وجا قال ليهم: «دايرين يبنوا».
الراجل قال لمرتو: «خلاص، إنتِ امشي البيت، بعد يتموا البُنا تعالي».
بعد ما تموا البُنا، جات
راجعة، طبعًا البُنا عجبها شديد.
