ساعات بتتراكم

الكاتبه سمر إسماعيل

ساعات بتتراكم عليك أحزانك..

وتحس بجوفك كأنه طوفان!!!

ساعات بتكون مسجون في روحك،

بلا قضبان ولا سجان!!!

ساعات بتكون ملياك جروحك،

تتمنى الفضا ولا تكون مليان!!!

ساعات بتحس الضحكة عزيزة،

مش عارف ولا قادر تضحك!!!

ساعات بتحس بالتوهة،

ساكنة شكلك وفي ملامحك..

ساعات بتحس أنك،

بقيت غريب عنك!!!

في وسط الناس لكن وحدك!!!

مشتاق لناس مشتاقة حضنك!!!

ناس بتحس بدفا قلبك،

من رعشة البرد في يدك..

ناس من قلبها،

من عقلها،

من روحها،

بجد بتحبك..

ناس تتمنى لو تكون جنبك،

تضحي هناها علشان راحتك،

تسهر وتتعب،

علشان تدخل الفرحة قلبك..

ناس كل همها ودّك وابتسامتك..

ساعات تشتاق لحد،

تاني يكون شبهك،

زيك بروحك،

وبجروحك،

وبشتات نفسك!!!

حد مش ضروري يفهمك،

قد ما أنت محتاجه يحسك..

حد اتعودت منه،

أنه بعينيه، بكلامه،

بكل ما فيه بيضمك..

ساعات تتمنى حد،

زيّ اللغز،

مش شاغل بالك!!!

ساعات من كتر ما تذللت وتيسرت،

تلاقي الذل بيعزك..