كتب: زياد بشير علي
آه لو ما العيون بتصيب
ما كان شمس لقانا تغيب
يا أعز حبيب
في بعادك بطول الليل
وكم كم مرة هدأ الحيل
شن الخلى دمعي يسيل
غير أشواقي والبهديل
محال يا غالي ما بنساك
ولا بدخل دواخلي سواك
باقي على عهودي معاك
وأنت أسايا ما هماك
حن لو مرة يا قاسي
صابحني وكمان مآسي
لو إحساسك إحساسي
تم البينا يا رأسي
لعل الفُرقه مو دايمة
مشاعري لي لقاك هايمة
غير روحي العليك حايمة
مساهر والخلوق نايمة
آه لو كنت ناسيني
وصفحة قديمة طاويني
ما كت بهواك وهاويني
ومالي غناي وتلحيني
تعال لو مرة قابلني
وبالحنية بادلي
مهما تغيب بعيد مني
تلقى عيوني مستي
.. يا أعز حبيب
روووووعه