الكاتبة: رحمة صديق عباس بابكر
لما تقول لي: “إنتِ لي”،
بقطع كل الخطاوي الممكنة،
شان أصل لي دربك…
بس إيه هي الحكاية؟
في سكتك مشوار طويل،
رايح أقول ليك وين سكنك؟
تُهت في ريدك، وبي ريدك أغني،
وأعمل الكلمات درر…
بس لما شفتك قلبي طار،
ولي هسي ما عرفت الحكاية…
بفتش لي دربك، وفي دربك أغاني،
ويبقى صافي الريدة بينّا، وأصلي ما هنساك يوما…
بس إنتِ أصلًا لو عرفتي،
إني تايهة من زمان،
زمن لاقيتك إنتِ،
وهسي بقت مشوار وذِكرى،
والتواصل لسة بينّا…
وبرضو داير أقول ليك:
يبقى صافي الريدة بينا، وأصلي ما هنساك يوما…
