الكاتبه سمر إسماعيل
ف عز الحرب وضرب النار
شفت عيونك جنة ودار
فيهم كل معاني السلم
ربي بيشهد إني آمنت
إن وجودك أجمل حلم
وإني ف يدي سلاح وبارود
وإن ف قلبي زرعت ورود
لأجل عيونك بس يا سمرة
عقلي بينده قال هنموت
رد القلب وقال دي مؤامرة
هزم العقل وقال هنعيش
وإن اليأس نهايته مافيش
وإن عيونك أجمل بيت
وسط الحرب وضرب النار
دق القلب وقال حبيت
ل #خالد_دسوقي
ف عز الأزمة ف عز الظلم والمعاناة
شوفت ف قلبك بيت وحياة
فيه أمنية بتوعدني هتسعدني
لو أبقى معاه
ربي شاورلي بأنه نجاة
وأن وجودك أحلى علام
وأن ف أيدي أوراق وأقلام
وأن ف روحي وعيني كلام
لجل عيونك بس يا قلبي
عقلي بينده قال هنموت
رد القلب وقال ما نموت!!!
بس هنتقابل ف الجنة
ورد لقانا هيطرح حنة
عقلي رشيد وأنا برعى ف ضله
مش ممكن أرضى بشيء هيقله
وأني ليك راحة وأمان
لا أنت السجن ولا أنا سجان
وسط الأزمة وسط الظلم والمعاناة
دق القلب وقال عشقاه
