الكاتب عبد الرحمن شعبان سعد
مرت الأيام بعد ذلك الخلاف وكأن شيئًا جديدًا وُلد بين أحمد ومنة
لم تكن العلاقة قد أصبحت خالية من المشاكل
لكنها أصبحت أكثر هدوءًا في مواجهتها
كل واحد منهما بدأ يفهم الآخر بطريقة مختلفة
أحمد لم يعد يخاف من أن يخبر منة عندما يكون متعبًا
ومنة لم تعد تخشى أن تقول له عندما يضايقها شيء
وأصبح بينهما شيء يشبه الاتفاق غير المكتوب
أن أي شيء يحدث في الحياة
لن يكون أقوى من رغبتهما في أن يفهما بعضهما
وفي إحدى الليالي
كان أحمد في عمله
والساعة اقتربت من منتصف الليل
كان المكان هادئًا
وصوت الليل يحيط به من كل جانب
فتح هاتفه
فوجد رسالة من منة
لسه صاحي
ابتسم
وكتب
لسه
قالت
بتعمل إيه
قال
بفكر فيكي
قالت
طب وأنا كنت بفكر فيك
قال
سبقتيني
قالت
أنا أصلًا بقيت بسبقك في حاجات كتير
قال
زي إيه
قالت
في التفكير فيك
ضحك أحمد
وقال
دي مش منافسة
قالت
أمال إيه
قال
دي حاجة أنا سعيد إنها بتحصل
سكتت منة قليلًا
ثم قالت
أحمد
قال
نعم
قالت
تفتكر بيتنا هيكون عامل إزاي
توقف أحمد عن الحركة للحظة
كان السؤال بسيطًا
لكن مجرد تخيله جعل قلبه يتحرك بطريقة مختلفة
قال
بيتنا
قالت
آه
قال
أنا أول مرة أفكر فيه بجد
قالت
وأنا من زمان بفكر
ضحك وقال
طب قولي
قالت
أنت الأول
قال
أنا نفسي يبقى بيت هادي
قالت
يعني
قال
يعني لما أدخل من الباب أحس إني رجعت لمكاني
قالت
وبعدين
قال
وألاقيكي
قالت
وبعدين
قال
وأسمع صوتك
قالت
وبعدين
قال
وبعدين أقولك يومي كان عامل إزاي
ضحكت منة وقالت
ده بيت أحلامك كله أنا
قال
أيوه
قالت
طب المطبخ
قال
مش عارف
قالت
يعني هتسيبهولي
قال
لا
أنا هساعدك
قالت
أنت بتعرف تطبخ
قال
بعرف أعمل حاجات
قالت
زي إيه
قال
شاي
ضحكت منة بشدة
وقالت
يعني أنا هتجوز واحد عشان يعمل لي شاي
قال
الشاي بتاعي له قيمة
قالت
أكيد
قال
وممكن أعمل لك أكل كمان
قالت
إيه
قال
لما نتجوز هتعرفي
قالت
أنا بدأت أقلق
ضحك أحمد
وقال
ليه
قالت
عشان واضح إنك واثق في نفسك زيادة
قال
استني بس
أنا ممكن أفاجئك
قالت
أنا مستنية
ثم سكتت قليلًا
وقالت
أنا نفسي بيتنا يبقى فيه ضحك
قال أحمد
هيبقى
قالت
ونبقى بنختلف ونرجع نتكلم
قال
هيبقى
قالت
ونعرف إن حتى لو الدنيا زعلتنا
البيت ده يفضل أمان
قال
هيبقى
قالت
ونفضل نختار بعض كل يوم
لم يرد أحمد بسرعة
كانت الجملة الأخيرة قد لمست شيئًا عميقًا داخله
ثم قال
دي أهم حاجة
قالت
إيه
قال
إننا نفضل نختار بعض
مش بس عشان اخترنا بعض يوم الخطوبة
لكن كل يوم
حتى بعد سنين
لو اتغيرت الأيام
ولو اتغيرت الظروف
ولو اتعبنا
نفتكر إننا في يوم من الأيام وقفنا قدام بعض واختارنا نكمل
سكتت منة
ثم قالت
أحمد
قال
نعم
قالت
أنا نفسي أفضل أحبك بنفس الطريقة
قال
وأنا نفسي أحبك أكتر
قالت
هو ينفع الحب يزيد كل يوم
قال
معاكي
آه
قالت
ليه
قال
عشان كل يوم بعرف فيكي حاجة جديدة
وكل حاجة جديدة بتخليني أحبك أكتر
كانت منة تبتسم وهي تسمعه
ثم قالت
أنا عندي سؤال
قال
اسألي
قالت
إيه أكتر حاجة بتحبها فيا
فكر أحمد قليلًا
ثم قال
إنك حقيقية
قالت
يعني إيه
قال
يعني مش بتحاولي تبقي شخص تاني عشاني
لو فرحانة بتفرحي
لو زعلانة بتقولي
لو خايفة بتتكلمي
ولو محتاجة حاجة بتطلبيها
وأكتر حاجة ريحتني
إنك مش بتخافي تبينيلي ضعفك
سكتت منة
ثم قالت
وأنت عارف أنا أكتر حاجة بحبها فيك إيه
قال
إيه
قالت
إنك لما تحب حاجة
بتحاول تحافظ عليها
ابتسم أحمد
وقال
وأنتي عارفة إني بحافظ عليكي
قالت
عارفة
ثم قالت
بس عندي حاجة تانية
قال
قولي
قالت
بحب إنك لما تكون تعبان
بتحاول تضحكني
قال
عشان ضحكتك بتنسيني تعبي
قالت
وبحب إنك لما تزعل
ما بتخليش زعلك يخليني أخاف منك
قال أحمد
دي حاجة أنا واخدها عهد على نفسي
قالت
وأنا كمان
سكت الاثنان
وكانت المكالمة قد دخلت في تلك المساحة الجميلة التي لا يحتاج فيها المحبون إلى الكثير من الكلام
فقط وجود صوت الآخر يكفي
وبعد دقائق
قالت منة
أحمد
قال
نعم
قالت
أنا نفسي أعمل لك حاجة
قال
إيه
قالت
بس مش دلوقتي
قال
ليه
قالت
مفاجأة
قال
إنتي بتعملي فيا اللي عملته فيكي
ضحكت
وقالت
آه
قال
طب قولي
قالت
لا
قال
طب أي تلميح
قالت
ولا تلميح
قال
طب أوعديني إنها حاجة حلوة
قالت
أوعدك
قال
خلاص
هستنى
وانتهت المكالمة
لكن أحمد ظل يفكر
ما الذي يمكن أن تفعله منة
لم يكن يعرف
لكنه كان سعيدًا بمجرد فكرة أنها كانت تفكر فيه وتحضر له شيئًا
وفي اليوم التالي
كان أحمد قد خرج من عمله في الصباح
وكان مرهقًا جدًا
لم ينم إلا قليلًا
ومع ذلك وجد رسالة من منة
صباح الخير
قرأها
وابتسم
ثم جاءت رسالة أخرى
متنامش
قال
ليه
قالت
استنى بس
قال
في إيه
قالت
لما ترجع البيت ابعتلي
نفذ أحمد ما قالت
وبعد أن عاد إلى البيت
أرسل لها
رجعت
جاءه اتصال منها مباشرة
قالت
افتح الباب
استغرب أحمد
وقال
إيه
قالت
افتح الباب
قال
ليه
قالت
افتح بس
فتح أحمد باب البيت
فلم يجد أحدًا
ثم نظر إلى أسفل
وجد كيسًا صغيرًا موضوعًا أمام الباب
رفعه
وعاد إلى هاتفه
قال
إيه ده
قالت
افتح
فتح الكيس
وجد بداخله شيئًا بسيطًا
مجموعة من الأشياء التي يحبها
ومعها ورقة صغيرة
قرأها
كان مكتوبًا فيها
أنت طول الوقت بتحاول تفرحني
فقلت أجرب أفرحك أنا كمان
ابتسم أحمد
ثم جلس على أول كرسي أمامه
وظل ينظر إلى الورقة
لم تكن الهدية غالية
لكنها كانت تعني له الكثير
لأنها كانت أول مرة يشعر أن منة لا تستقبل اهتمامه فقط
بل تعيده إليه
قال لها
إنتي عملتي كده إمتى
قالت
مش مهم
قال
إنتي مجنونة
قالت
ليه
قال
عشان أنا كنت فاكر إني أنا اللي بعرف أفرحك
قالت
وأنا بعرف أفرحك
قال
أيوه
قالت
يبقى اتعادلنا
ضحك أحمد
ثم سكت فجأة
وقالت منة
مالك
قال
ولا حاجة
قالت
أحمد
قال
أنا بس كنت بفكر
قالت
في إيه
قال
في يوم ما يبقى البيت بتاعنا فعلًا
قالت
وبعدين
قال
أدخل من الباب وألاقيك مستنياني
قالت
وأنا هكون مستنياك
قال
وألاقي حاجة منك
قالت
إيه
قال
حتى لو مصاصة
ضحكت منة
وقالت
وأنت تلاقيني مجهزالك مفاجأة
قال
أنا هبقى أسعد واحد
ثم قال بصوت هادئ
منة
قالت
نعم
قال
أنا مش عايز أعيش معاكي حياة كبيرة قدام الناس
أنا عايز أعيش معاكي حياة صغيرة في عين الناس
بس كبيرة في قلبنا
سكتت منة
فأكمل
عايز لما نكون لوحدنا نحس إن الدنيا كلها موجودة عندنا
عايز ضحكتك تبقى في البيت
وعايز لما أكون تعبان أعرف إن في مكان أرجعله
وعايزك لما تخافي تعرفي إن في حد هيسمعك
وعايز أول حاجة نتعلمها في بيتنا إننا ما ننامش وإحنا زعلانين من بعض
قالت منة بصوت خافت
وأنا موافقة
ثم قالت
بس بشرط
قال
إيه
قالت
حتى لو زعلنا جدًا
نفتكر إننا في الأصل بنحب بعض
قال
وعد
قالت
وعد
وفي تلك اللحظة
لم يكن أحمد ومنة يعرفان أن أحلامهما الصغيرة
بدأت تتحول شيئًا فشيئًا إلى شيء حقيقي
لكن الطريق لم يكن قد انتهى
ففي اليوم التالي
وصل أحمد خبر جعله يتوقف طويلًا
كان هناك أمر جديد متعلق بعمله
شيء قد يغير مواعيد حياته
وربما يؤثر على بعض خطط الزواج التي بدأ هو ومنة يتحدثان عنها
قرأ الخبر أكثر من مرة
ثم وضع الهاتف جانبًا
ولم يتصل بها مباشرة
ليس لأنه يريد إخفاء الأمر
ولكن لأنه أراد أولًا أن يفهم ما الذي يحدث
ثم نظر إلى صورة منة أمامه
وقال لنفسه
أنا وعدتها إني مش هخبي عنها
مهما كان
وبعد دقائق
أمسك هاتفه
واتصل بها
ردت من أول مرة
قالت
صباح الخير
قال
صباح النور
قالت
صوتك غريب
ابتسم رغم قلقه
وقال
عشان عندي حاجة عايز أحكيهالك
قالت
خير
قال
مش عارف لسه هيحصل إيه
بس عايزك تعرفي من الأول
ثم بدأ يحكي لها
وكان يعرف أن هذه اللحظة
ستكون أول اختبار حقيقي لوعد جديد
وعد لم يكن متعلقًا فقط بالحب
بل بالمستقبل الذي بدآ يحلمان به
وكانت منة تستمع إليه
وفي عينيها هدوء غريب
وكأنها لم تكن تخاف من الخبر نفسه
بقدر ما كانت واثقة أن أحمد لم يعد يريد أن يواجه شيئًا وحده
وأنها لن تسمح له هذه المرة أن يفعل ذلك
انتظر الجزء القادم
