شعر: محمد جمعة
إعلي بصوت الفرح
سد طريق الجرح
وإنسي كل إلي كان
قلبك يستاهل
والموضوع ساهل
بس أقلع توب الاحزان
غذي وريدك فرح كمان
شجرنا إخضر
الحزن أهو مَر
والفرح طرح
كتير شجر
وورود. كمان
في كل مكان
وشوك الاحزان
بقي دبلان
حبر الألم جف
وجع السنين خف
ضلوعنا بقت صف
قدام شريان نزف
وزمنا أهو لف
وقطرنا وقف
في محطة أمانينا
حلمنا بان
ودعنا كمان
الاحزان
وكمان كل إلي كان
فَيَله من الآن
إعلي بصوت الفرح
سد طريق الجرح
وإنسي كل إلي كان
ودع وجع الايام
وازرع أمل خام
يطرح سعادة لقدام
في القلب إلي كان
حطاااام
